هدوء ...نداء قرحيلي ....بالسوري حكتلي ستي

بالسوري حكتلي ستّي

وحكتلي ستي
كيف كان الثوار زمان
ضد الغرب والاستيطان

كيف يجتمع كل سوري
ومن كل الاديان
ينسى الخلاف
وينسى الزعل
ليحمي الاوطان
يحمل روحو
ع كفو
ويحمل نعشو
ع كتفو

راية وطنو
همو الوحيد
وشو ما صاار
وكيف كان الجار
يخاف ع الجار

عيلة وحدة
لقمة وحدة
بالحب والمحبة
قضوا ع الفتنة
وطفّوا النااار
يحموا الارض
يحموا العرض
لاشو دينك
ولا شو طائفتك
ولا مين عيلتك

الدين لله
والوطن الو والي والك
هدول ياستي الثوار
هدول الاطهار
يلي صانوا الدار

مو ثوار اليوم الفجّار
يلي دمروا الاوطان
وقتلوا الانسان
وركعوا للاعداء
وقطعوا اخوتهم اشلاء
وحرقوا البلد
واكلوا قلب الولد

وك شو هالثورة
يلي باسم الله
بتحلل دم اهلك؟
بتخرب بلدك ؟
بتمحي تاريخك
بتذل مجدك

وااااااه ياستي
شو صاار فينا
ع القتل والحرق وعينا
وسوريا صابره وصامده
والله معا الله يعينا
رح يضل اسما عالي
ويملا الكون ريحة ياسمينا
وبكرا جاي احلا
وكل مالا سوريا بتحلا

صحي تشردوا اهلا
بس وحياتكم
راجعة سوريا تعمر بشعبا

باحساسي نداء قرحيلي